چناب نگر:محکمہ ریلوے کی طرف سے لوگوں میں غیر قانونی گھپلہ شدہ ٹھیکے دیئے جانے کا انکشاف
چناب نگر ( غدیر احمد بھٹی کی رپورٹ) محکمہ ریلوے چناب نگر کے اسٹیشن ماسٹر کی طرف سے غیر قانونی اور گھپلہ شدہ ٹھیکے دیئے جانے کا انکشاف، تفصیلات کے مطابق ذرائع نے بتایا کہ روایت کے مطابق ہر تیسرے چوتھے مہینے محکمہ ریلوے کے اعلیٰ افسران کی آمد متوقع ہوتی ہے جو شہر میں اتے ہی محکمہ ریلوے کی اراضی پر موجود غیر قانونی تجاوزات کو توڑ پھوڑ کر گرا دیتے ہیں۔اور روایتی طریقہ کے مطابق یہ ساری تجاوزات شام تک واپس اپنی جگہ پر کھڑی کردی جاتی ہے ۔انہی اعلیٰ افسران کی اج آمد متوقع ہوئی اور ان کی آمد سے پہلے ہی چناب نگر اسٹیشن ماسٹر نے پھرتیاں دکھاتے ہوئے غیر قانونی گھپلہ شدہ ٹھیکے والی جگہ کو خالی کروالیا۔ذرائع نے مزید بتایا کہ اسٹیشن ماسٹر کی اس پھرتی سے معلوم ہوتا ہے کہ یہ جو ٹھیکے دیئے گئے ہیں ان کا گورنمنٹ کے کاغذات میں کوئی اندراج نہیں ہے اور یہ سب لوٹ مار ان کی اپنی جیبوں میں جارہی ہے ۔شہریوں نے نو منتخب وفاقی وزیر ریلوے شیخ رشید سے گزارش کی ہے کہ وہ تمام ریلوے اسٹیشنز کے ریکارڈ کو چیک کروائیں اور ریلوے اسٹیشنز کی طرف سے ٹھیکوں پر دی گئی تمام آراضی کا ریکارڈ بھی مرتب کروائیں ۔اور جنہوں نے ٹھیکوں پر دی ہوئی آراضی کا ریکارڈ حکومتی روزنامچوں میں درج نہیں کیا ہوا ان کے خلاف سخت کاروائی عمل میں لائیں کیونکہ انہوں نے حکومتی خزانے کو نقصان پہنچانے کی کوشش کی ہے۔
