ملک بھر کی طرح چناب نگر اور احمد نگر میں بھی یوم عاشور کے موقع پر ذوالجناح اور تعزیعہ کے جلوس نکالے گئے
چناب نگر (غدیر احمد بھٹی کی رپورٹ) ملک بھر کی طرح چناب نگر،احمد نگر اور اس کے گردونواح کے علاقوں میں یوم عاشور نہایت مذہبی عقیدت و احترام سے منایا گیا.ذوالجناح اور تعزیہ کے جلوس نکالے گئے.مجلس عزاء میں عزاداروں نے شرکت کی.علم اور تعزیہ کے جلوس اپنے روایتی راستوں سے ہوتے ہوئے امام بارگاہ حسینیہ میں بخیرو عافیت اختتام پذیر ہوئے.مجالس اور جلوسوں میں ممبران امن کمیٹی نے بھی شمولیت کی.جلوس میں شریک عزاداروں نے نوحہ خوانی کے علاؤہ زنجیر زنی بھی کی.علماء کرام اور ذاکرین نے شہداء کربلا کو خراج عقیدت پیش کیا.چنیوٹ پولیس نے جلوسوں کو فول پروف سیکورٹی فراہم کی.جگہ جگہ مخیر حضرات نے پانی کی سبیلیں بھی لگائیں اور نیاز تقسیم کی.ماتم داروں اور عزاداروں کے سب سے بڑے اجتماعات بھبھڑانہ کالووال چنگڑانوالہ اور احمد نگر میں ہوئے.1122 کا عملہ بھی ڈیوٹی پر الرٹ رہا.
