ہمیں شرپسندعناصر اورشدت پسندوں کے خلاف ٹھوس اقدامات کرکے ان کا مستقل حل نکالنا ہوگا: فواد چوہدری

نیو یارک(ربوہ ٹائمز) پاکستانی وفاقی وزیراطلاعات فواد چوہدری نے کہا ہے کہ:

ہمیں شرپسندعناصر اورشدت پسندوں کے خلاف ٹھوس اقدامات کرنے ہوں گے.

فواد چوہدری نے ایک نشریاتی ادارے کو انٹرویو دیتے ہوئے کہا کہ:

اب پرتشدد مظاہرے کرنے والوں کا مستقل حل نکالنا ہوگا.

وزیر اطلاعات نے کہا کہ:

بحرانی صورت حال سے نمٹنے کے لیے جو اقدامات کیے، وہ محض آگ بجھانے کے لیے ہیں، البتہ ہمیں‌مستقل حل نکالنا ہوگا.

فواد چوہدری نے کہا کہ:

پی ٹی آئی کی حکومت اس قسم کے واقعات کا حل نکال کر رہے گی، ہم اس ضمن میں واضح ہیں.

یاد رہے کہ

وزارت داخلہ نے مظاہروں اور دھرنوں کے دوران توڑ پھوڑ کرنے والے شرپسندوں کے خلاف کریک ڈاؤن کی ہدایات جاری کر دی ہیں۔

پاکستانی وزارت داخلہ نے کریک ڈاؤن کی ہدایت کرتے ہوئے موقف اختیار کیا ہے کہ:

مظاہرے کی آڑ میں شرپسندعناصرنےاملاک کو نقصان پہنچایا.

واضح رہے کہ

گذشتہ دنوں سپریم کورٹ کے فیصلے کے بعد ملک بھر میں مظاہروں اور دھرنوں کا سلسلہ شروع ہوگیا تھا، جس سے معمولات زندگی مفلوج ہوگئے اور کئی شہروں میں کاروبار ٹھپ ہوگیا.

بعد ازاں حکومت اور مظاہریں میں معاہدہ طے پانے کے بعد دھرنے ختم ہوگئے.