بینک اکاؤنٹس ہیکرز کی کاروائیوں کا سلسلہ چنیوٹ تک آپہنچا، شہری کے لاکھوں روپے بینک سے غائب
چنیوٹ (ربوہ ٹائمز) بینک اکاؤنٹس ہیکرز کی کاروائیوں کا سلسلہ چنیوٹ تک آپہنچا ،بینک اکاؤنٹس ہیکرز کی چنیوٹ میں بھی کاروائی چنیوٹ کے شہری کو چونا لگا کر اکاؤنٹ سے لاکھوں روپے غائب کر دیئے گئے ۔متاثرہ شہری نے مبینہ طورپر اپنی بچیوں کی شادی کیلئے رقم جمع کی تھی جس سے محروم کر دیا گیا ۔تفصیلات کے مطابق بینکوں کا ڈیٹا ہیک کرنے والے گروہ کی چنیوٹ میں بھی بڑی کاروائی غریب محنت کش کی زندگی کی جمع پونجی دھوکہ دیہی سے غریب مزدور کے اکاوئنٹ سے نکال لی گئی ۔اکاؤنٹس ہیکرز نے چنیوٹ کے شہری کوبچیوں کی شادی کیلئے جمع کی گئی لاکھوں روپے کی رقم سے محروم کر دیا۔محمد عبداللہ جوکہ ایچ بی ایل چنیوٹ کا اکاؤنٹ ہولڈر ہے کا کہنا تھا کہ اسے کراچی کے ایچ بی ایل آفیشل نمبر سے کال آئی جس پر کال کرنے والے نے خود کو بینک کا افسر ظاہر کرتے ہوئے اسے مبینہ طورپر اسی کے اکاؤنٹ نمبر اکاؤنٹ میں پڑی رقم شناختی کارڈ نمبر سمیت اہم معلومات فراہم کرنے کے بعد اے ٹی ایم کارڈ کا کوڈ نمبر نہ بتانے کی صورت میں اکاؤنٹ بند کرنے کی دھمکی دی جس پر شہری محمد عبداللہ نے اپنا ای ٹی ایم کارڈ کا پن کوڈ پی ٹی سی ایل آفیشل نمبر سے کال کرنے والے شخص کو بتا دیا جس کے چند گھنٹے بعد عبداللہ کے اکاؤنٹ میں موجود رقم جوکہ 5لاکھ 70ہزار کے قریب بتائی گئی ہے ہیکرز گروہ کی جانب سے مبینہ طور پر غائب کردی گئی، تاہم بینک صارف عبداللہ کا کہنا تھا کہ چنیوٹ کے مقامی بینک برانچ عملہ کوئی تعاون نہیں کررہا کوئی بات سننے کو تیار بھی نہیں ہے، چیف جسٹس پاکستان، وزیراعظم عمران خان میری جمع پونجی مجھے واپس دلوائیں تاکہ وہ اپنے جوان بچیوں کی شادی کر سکوں.
