چنیوٹ میں شہری کے گھر سے رشین کیٹ چوری
چنیوٹ ( ربوہ ٹائمز نیوز ڈیسک) چنیوٹ میں چوری کی انوکھی واردات،پالتو بلیاں چوری کرنے والا گروہ سرگرم ،شہری کا خوبصورت بیش قیمت بلا چور لے اڑے ،شہری نے چوروں کے خلاف کاروائی کیلئے پولیس کو درخواست دیدی ۔
بتایا گیا ہے کہ:
چنیوٹ کے شہری امیر عمر چمن نے تھانہ سٹی چنیوٹ پولیس کو تحریری درخواست میں اس بات کا انکشاف کیا ہے کہ چنیوٹ میں قیمتی پالتو بلیاں چوری کرنے والا گروہ متحرک ہے اور گزشتہ روز شہری کے گھر میں بیش قیمت رشین بلا کو گروہ نے ورغلا کر چوری کر لیا ہے ۔
شہری کے مطابق:
بلے کو گھر سے باہر نکالنے کے لئے ملزمان نے بلی گھر کے اندر بھیجی گئی۔ بلی کے پیچھے پیچھے بلا گھر سے باہر آیا تو ملزمان موٹر سائیکل پر اٹھا کر بھاگ گئے ۔ بلے کے مالک نے تھانہ سٹی میں مقدمے کے اندراج کی درخواست دے دی ہے جس پر تھانہ سٹی پولیس نے ملزمان کی تلاش شروع کر دی ہے ۔ امیر عمر نامی شہری نے گھر میں رشین بلا پال رکھا تھا۔
