سینٹرل جیل فیصل آباد میں جیل انتظامیہ کا چناب نگر کے قیدی سمیت تین قیدیوں پر وحشیانہ تشدد، میڈیکل رپورٹ میں ثابت

چناب نگر ( غدیر احمد بھٹی سے) سینٹرل جیل فیصل آباد میں قیدیوں پر بلا جواز وحشیانہ تشدد، جیل عملہ نے تین قیدیوں پر وحشیانہ تشدد کیا۔
تفصیلات کے مطابق:
عادل احمد مقدمہ نمبر 365/2016 بجرم 302 ت۔پ تھانہ چناب نگر چنیوٹ سے سزا پاکر سنٹرل جیل فیصل آباد میں عمر قید کی سزا بھگت رہا ہے ۔
بتایا گیا ہے کہ :
مورخہ 03-04-2019 کو جیل عملہ نے عادل خاں و دیگر تین قیدیوں پر بلا جواز وحشیانہ تشدد کیا۔
درخواست گزاری گئی تو سیشن جج نے معاملہ کی جوڈیشل انکوائری کرائی جس میں جیل عملہ کا عادل احمد سمیت دیگران پر تشدد ثابت ہوگیا۔جس کے بعد اسسٹنٹ سپرنٹنڈنٹ جیل ذکاء اللہ، چیف چیکر مسور باجوہ و دیگران کے خلاف تھانہ صدر فیصل آباد میں مقدمہ درج کرلیا گیا ۔
عادل احمد کے گھر والوں کا کہنا ہے کہ:
عادل جیل میں پہلے ہی عمر قید کی سزا بھگت رہا ہے اس پر جیل انتظامیہ کی طرف سے وحشیانہ تشدد کس بنا پر کیاگیا ۔
انہوں نے ارباب اختیار اور ہیومن رائٹس کمیشن سے مطالبہ کیا ہے کہ وہ عادل احمد سمیت دوسرے قیدیوں پر ہونے والے تشدد کا نوٹس لیں اور اس واقع کی مکمل تفتیش کریں کہ ایسا کیوں ہوا اور جیل انتطامیہ نے کس کے کہنے پر قیدیوں پر بہیمانہ تشدد کیا۔اور تشدد کرنے والی جیل انتظامیہ کو سخت سزا دی جائے ۔