چنیوٹ حکومت پنجاب کی ہدایت پردریائے چناب پر دوسری پری فلڈ موک ایکسرسائز کا انعقاد
چنیوٹ (ربوہ ٹائمز) حکومت پنجاب کی ہدایت پر دوسری پری فلڈ موک ایکسرسائز کا انعقاد۔
ڈپٹی کمشنر امان انور قدوائی نے موک ایکسرسائز کا معائنہ کیا۔ریسکیو 1122 سمیت سول ڈیفنس، محکمہ صحت، محکمہ لائیواسٹاک، محکمہ سوشل ویلفیئر نے حصہ لیا۔
ریسکیو 1122کی جانب سے سیلاب زدہ علاقوں میں پھنسے ہوئے افراد کے ہنگامی انخلاء کا عملی مظاہرہ کیا گیا ڈوبتے ہوئے افراد کو ریسکیو کرنے، ابتدائی طبی امداد فراہم کرنے اور بروقت ایمبولینس کے ذریعے ہسپتال منتقل کرنے کا عملی مظاہرہ بھی کیا گیا، تمام محکموں کی جانب سے مختلف قسم کے کیمپ لگائے گے تاکہ عوام کو بروقت اور بہتر طور پر ریلیف فراہم کیا جا سکے۔ ریسکیو 1122 کی جانب سے ایمرجنسی کنٹرول روم بھی قائم کیا گیا تاکہ ممکنہ سیلاب کی صورت میں لوگوں کی بہتر طور پر راہنمائی کی جا سکے۔
ڈپٹی کمشنر چنیوٹ محمد امان انور قدوائی نے ریسکیو 1122سمیت تمام اداروں کی کارکردگی پر خوشی اور اطمینان کا اظہار کیا انہوں نے مزید کہا کہ ضلع بھر کے تمام سرکاری ادارے کسی بھی ایمرجنسی صورتحال سے نمٹنے کے لیے بھرپور صلاحیت رکھتے ہیں۔ ڈسٹرکٹ ایمرجنسی آفیسر میڈم طاہرہ خان کی جانب سے ممکنہ سیلاب کے پیش نظر مکمل بریفنگ دی گی۔ان کا کہنا تھا کہ ان فرضی مشقوں کا مقصد کشتیوں اور سیلاب میں استعمال ہونے والی مشینری کا جائزہ لینا تھا، فرضی مشقوں میں ضلع بھر کے ریسکیو آفیسرز ریسکیو اہلکاروں اور ریسکیو محافظوں نے حصہ لیا۔
تقریب سے خطاب کرتے ہوئے اسسٹنٹ کمشنر لالیاں لیاقت علی کہلوڑو نے میڈم طاہرہ خان صاحبہ کی کارکردگی کو سہراتے ہوئے مزید کہا کہ ضلعی انتظامیہ پر امید ہے کہ کسی بھی ناگہانی صورت حال پیدا ہونے پر لوگوں کو بروقت محفوظ مقامات پر منتقل کر سکتے ہیں
