ڈویژنل کمشنر فیصل آباد محمود جاوید بھٹی کی چنیوٹ آمد
چنیوٹ (ربوہ ٹائمز) ڈویژنل کمشنر فیصل آباد محمود جاوید بھٹی کی چنیوٹ آمد.
ڈپٹی کمشنر چنیوٹ سید امان انور قدوائی کے ہمراہ پل ڈینگڑو پولیس چوکی فیصل آباد روڈ بابِ چنیوٹ کا افتتاح کیا اور چنیوٹ میں جم خانہ کلب کا سنگ بنیا د رکھا۔
تفصیلات کے مطابق:
ڈویژنل کمشنر محمود جاوید بھٹی نے ڈپٹی کمشنر چنیوٹ سید امان انور قدوائی کے ہمراہ پل ڈینگڑوپولیس چوکی فیصل آباد روڈ پر بابِ چنیوٹ کا افتتاح کیا اور جم خانہ کلب چنیوٹ کا سنگ بنیاد رکھا۔ اس موقع پر ایڈیشنل ڈپٹی کمشنر ریونیو طارق خان نیازی،اسسٹنٹ کمشنر چنیوٹ خضر حیات بھٹی، اسسٹنٹ کمشنر لالیاں احسان اللہ ضیاء، اسسٹنٹ کمشنر بھوآنہ عدنان رشید، سی او ڈسٹرکٹ کونسل رانا محمد نواز اور دیگرموجود تھے۔ ڈویژنل کمشنر محمود جاوید بھٹی نے پل ڈینگڑ وپر بنائی گئی پولیس چوکی بابِ چنیوٹ کے افتتاح اور جم خانہ کلب چنیوٹ کی سنگ بنیاد کے موقع پر کہا کہ ضلع چنیوٹ میں ترقیاتی کاموں کا آغاز ہو چکا ہے۔چنیوٹ کو خوبصورت بنانے کے لیے تمام تر وسائل بروئے کار لا ئیں گے۔بابِ چنیوٹ پولیس چوکی اک یاد گار بنائی گئی ہے جس کا میں نے ا ٓ ج افتتاح کیا ہے اور مجھے بہت خوشی محسوس ہوئی ہے۔ بعد ازاں انہوں نے چنیوٹ جم خانہ کلب کا سنگ بنیا د رکھتے ہوئے کہا کہ جم خانہ کلب کی باقاعدہ ممبر شب ہو گی جس میں شہریوں کو سیرو تفریح کی تمام سہولیات میسر ہونگی۔ یہ ایک بہت اچھا اقدام ہے جس میں شہریوں کو کھانے پینے کی چیزوں کے علاوہ،سویمنگ پول، ٹینس کورٹ، جم خانہ اوردوسری ہر طرح کی سہولیات مہیا کی جائیں گی۔
