سول ڈیفنس کی ٹریننگ حاصل کر کے شہریوں کے دفاع کو یقینی بنائیں، ڈپٹی کمشنر چنیوٹ
چنیوٹ (ربوہ ٹائمز) ملکی دفاع اور شہری دفاع لازم و ملزوم ہیں ، ہمیں لوگوں میں زیادہ سے زیادہ شعور اجاگر کرنا چاہیے کہ وہ سول ڈیفنس کی ٹریننگ حاصل کر کے شہریوں کے دفاع کو یقینی بنائیں ، ان خیالات کا اظہار ڈپٹی کمشنر و کنٹرولر سول ڈیفنس سید امان انور قدوائی نے گورنمنٹ بوائزہائی سکول میں سول ڈیفنس کی ٹریننگ حاصل کرنے والے اساتذہ و معلمات میں تقسیم اسناد کی تقریب میں خطاب کرتے ہوئے کیا ، تقریب میں سی او ایجوکیشن چوہدری ذوالفقارحسین ، ڈی ای او سیکنڈری رائے محمدارشاد کے علاوہ مختلف سکولوں کے میل فی میل ٹیچرز نے شرکت کی ، سول ڈیفنس آفیسر چوہدری محمد صدیق نے تقریب میں شرکت پر تمام مہمانان گرامی کا شکریہ ادا کرتے ہوئے بتایا کہ ایجوکیشن ڈیپارٹمنٹ سیکنڈری ونگ کے80 میل فی میل ٹیچرز نے شہری دفاع کی تربیت کا کورس مکمل کیا ہے جس پر آج انہیں تعریفی سرٹیفکیٹس دیے جارہے ہیں ، تقریب سے خطاب کرتے ہوئے سی او ایجوکیشن چوہدری ذوالفقارحسین نے کہا کہ مجھے خوشی ہے کہ ہمارے ٹیچرز نے یہ ٹریننگ حاصل کی ہے میں سمجھتا ہوں کہ پورے اضلاع میں تمام ٹیچرز کو شہری دفاع کی ٹریننگ حاصل کرکے خدمت کے جذبہ کے ساتھ شہریوں کے دفاع میں اپنا کردار ادا کرنا چاہیے ، تقریب کے شرکاء سے خطاب کرتے ہوئے ڈپٹی کمشنر و کنٹرولر سول ڈیفنس سید امان انور قدوائی نے سول ڈیفنس کی ٹریننگ مکمل کرنے پر ٹیچرز کو مبارکباد دی اور کہا کہ اب یہ آپکی ذمہ داری ہے کہ آپ یہی ٹریننگ تعلیمی اداروں کے طلباء و طالبات اور اپنے گلی محلوں کے مرد و خواتین کو بھی دیں ، انہوں نے مزید کہا کہ ہر شہری خاص طور پر طلباء و طالبات کا فرض ہے کہ موجودہ ملکی صورتحال پر افواہیں پھیلانے یا ان پرتصدیق کیے بغیر یقین کرنے سے گریز کریں ، ہر پاکستانی کو ملک کے دفاع کیلئے محکمہ سول ڈیفنس میں بطور رضا کاراپنی خدمات دینے کی ضرورت ہے یہاں سے حاصل ہونے والی تربیت سے ہم جنگ یا امن میں لوگوں کی رہنمائی کر کے قومی دفاع میں اپنا کردار ادا کر سکتے ہیں ، آخر میں مہمان خصوصی ڈپٹی کمشنر و کنٹرولر سول ڈیفنس سید امان انور قدوائی نے ٹریننگ مکمل کرنے والے 80میل فی میل ٹیچرز میں تعریفی اسناد تقسیم کیں اس موقع پر سی او ایجوکیشن چوہدری ذوالفقار حسین، ڈی ای او سیکنڈری رائے محمدارشاد، سول ڈیفنس آفیسر چوہدری محمد صدیق و دیگر بھی موجود تھے ۔
