ڈپٹی کمشنر، ڈی پی اوکا گندم خریداری مراکز،احساس کفالت پروگرام سنٹرز کا وزٹ
چنیوٹ (ویب ڈیسک) ڈپٹی کمشنر محمد ریاض، ڈسٹرکٹ پولیس آفیسر سید حسنین حیدر نے گندم خریداری مراکز،احساس کفالت پروگرام سنٹرز کا وزٹ کیا۔ڈی سی،ڈی پی او نے گندم خریداری مراکز پر انتظامات کا جائزہ لیا۔اس موقع پر ایڈیشنل ڈپٹی کمشنر ریونیو طارق خان نیازی،اسسٹنٹ کمشنر چنیوٹ عائشہ یسین . ڈسٹرکٹ فوڈ کنٹرولر تنویر احمد و دیگر متعلقہ افسران بھی موجود تھے۔متلعقہ افسران کو ہدایت کی گئی کہ گندم خریداری مراکز پر کسانوں کو تمام ممکنہ سہولیات کی دستیابی کو یقینی بنایا جائے۔گندم خریداری کے ٹارگٹ کو پورا کرنے کیلئے تمام اقدامات کو یقینی بنایا جائے۔بعدازاں ڈی سی،ڈی پی او نے احساس کفالت پروگرام سنٹرز کا وزٹ کیا۔پیسوں کی تقسیم،دیگر انتظامات کاجائزہ لیا۔افسران نے ہدایت کی کہ سنٹرز پر آنے والے لوگوں کو تمام ممکن سہولیات کی فراہمی کو یقینی بنایا جائے۔کورونا وائرس سے بچاؤ کیلئے تمام حفاظتی اقدامات کو یقینی بنایا جائے۔
