ڈپٹی کمشنر چنیوٹ خضر افضال چوہدری کا چناب پارک چناب نگر کا وزٹ
چناب نگر(غدیر احمد بھٹی )ڈپٹی کمشنر خضر افضال چوہدری کا چناب پارک چناب نگر کا وزٹ ۔ 14 اگست یوم آزادی کے سلسلہ میں انتظامات کا جائزہ لیا ۔ ڈپٹی کمشنر خضر افضال چوہدری نے پارک کا تفصیلی جائزہ لیا اور میونسپل کمیٹی چناب نگر کے نمائندہ کو ہدایت کی کہ 14 اگست اور عید کے موقع پر پارک میں عوام الناس کا بہت رش ہوتا ہے۔ عوام کی تفریح کے لیے اسے مزید خوبصورت بنایا جائے اور پورے پارک کی لائٹنگ کی جائے ۔ ڈپٹی کمشنر خضر افضال چوہدری نے مزید بتایا کہ ضلع بھر میں دفعہ 144 نافذ کر دی گئی ہے ۔ دریائے چناب میں نہانے اور کشتی چلانے پر پابندی عائد کر دی گئی ہے۔ کسی بھی ناخوشگوار واقعہ سے نمٹنے اور عوام کی حفاظت کے لیے سیکیورٹی تعینات ہوگی۔ اس کے علاوہ دیگر متعلقہ ادارے بھی اپنی ڈیوٹیاں انجام دیں گے. اس موقع پر انکے ہمراہ اے ڈی سی آر راو امتیاز ۔ اے ڈی سی جی اعتزاز اسلم مارتھ ۔ اسسٹنٹ کمشنر چنیوٹ آصف اقبال چوہان ۔ اسسٹنٹ کمشنر لالیاں علی عاطف بٹر ۔ سی او ایجوکیشن میاں اسماعیل و دیگر بھی موجود تھے
