چناب نگر شہر میں دن کے وقت ہیوی ٹریفک کیوجہ سے بازار میں شدید رش حادثات کا ہونا معمول بن گیا

چناب نگر( ویب ڈیسک) چارے سے لدی ٹرالیوں اور ٹرکوں کی وجہ سے سڑک بلکل بند ہو جاتی ہے- عام ٹریفک تو دور کی بات ایمبولینس کو گزرنے کا بھی راستہ نہیں دیا جاتا اور اب جب کہ بچوں کے سکول بھی کھل گئے ہیں ایسے میں یہ ہیوی ٹریفک مزید مشکلات پیدا کرسکتی ہے- شہر میں تعینات ٹریفک پولیس کا عملہ ان مسائل پر دھیان دینے کی بجائے لاری اڈہ پر اور فیصل آباد سرگودھا روڈ پر دیہاڑی لگانے میں مصروف رہتا ہے- شہریوں کا کہنا ہے کہ بوجہ مجبوری شہر میں آنے یا جانے والی ہیوی ٹریفک دیگر شاہراہوں سے گزر جائے- اقصٰی روڈ پر انکے داخلے پرمکمل پابندی لگائی جائے ۔شہریوں نے ڈی پی او چنیوٹ سے نوٹس لینے کا مطالبہ کیا ہے-