چناب نگر مسیحی برادری کے نوید جان اقلیتی امور کے سیکرٹری اطلاعات شمالی پنجاب مقرر

چناب نگر (ویب ڈیسک) پاکستان تحریک انصاف کے شمالی پنجاب کےاقلیتی امور کےصدر بابر شہزاد گوشی نے نوید جان کو شمالی پنجاب کا سیکرٹری اطلاعات اقلیتی امور مقرر کر دیاہے اورپارٹی کی طرف سے انہیں نوٹیفکیشن بھی جاری کر دیا گیا ہے ۔ نوید جان نے کہا ہے کہ وزیراعظم عمران خان اور بابر شزاد گوشی کی قیادت میں اقلیتوں کے مسائل کے حل کے لئے کام کرنا ان کے لئے اعزاز کی بات ہے۔ انہوں نے کہا کہ عمران خان نے اپنے دور حکومت میں مسیحیوں کے سکول ، کالج اور ہسپتال واپس کرکے ایک دیرینہ مسلہ حل کیا ہے ۔ جس کے لئے ہم ان کے شکرگزاراورممنون ہیں اور میں کوشش کروں گا کہ اقلیتوں کے تمام مسائل کو حل کرسکوں۔اس موقعہ پر آل پاکستان میڈیا کونسل رجسٹرڈ کے لیگل ایڈوائزر ضلع چنیوٹ کاشف درویش مندرانی ایڈووکیٹ نے انکو مبارکباددی اور انھیں اپنی کمیونٹی کی خدمت نیک نیتی سے بجا لانے کی نصیحت کی اور اس بات پر خوشی کا اظہار کیا کہ نوید جان مسیح کا تعلق چناب نگر ضلع چنیوٹ سے ہے ۔۔۔۔۔۔