ڈی پی اوچنیوٹ اورڈپٹی کمشنر محمد ریاض کی پولیس افسران سے کرائم میٹنگ
چنیوٹ(ویب ڈیسک) ڈپٹی کمشنر محمد ریاض اور ڈی پی او بلال ظفر نے ڈی پی او آفس میں امن کمیٹی ممبران سے میٹنگ کی۔ دوران میٹنگ امن و امان کے قیام،12ربیع الاول،ختم نبوت کانفرنس کے موقع پر امن وا مان و سیکیورٹی انتظامات کی صورتحال اور دیگر اہم معاملات پر تبادلہ خیال کیا گیا۔ اس موقع پر خطاب کرتے ہوئے ڈپٹی کمشنر اور ڈی پی او کا کہنا تھا کہ شہر میں امن و امان کا قیام ہر صورت یقینی بنایا جائے گا۔ مذہبی ہم آہنگی، رواداری اور امن و امان کے قیام میں علماء کرام اور امن کمیٹی کامثالی کردار ہے۔ چنیوٹ کو امن کا گہوراہ بنانے اور قانون کی بالادستی قائم کرنے میں امن کمیٹی کا کردار قابل تحسین ہے۔ آئندہ بھی امن امان کی صورتحال کو قائم رکھنے کے لیے اپنا اپنا کردار ادا کریں۔ ڈپٹی کمشنر اور ڈی پی او نے خطاب کرتے ہوئے کہا کہ ایس او پیز کے مطابق سیکیورٹی انتظامات کو یقینی بنایا جائے گا۔کسی کو بھی ضلع کا امن وا مان خراب کرنے کی ہرگز اجازت نہیں دی جائے گی۔ امن کمیٹی کے ممبران نے اپنے بھرپور تعاون کا یقین دلایااور اعادہ کیا کہ ضلع چنیوٹ میں تمام مکاتب فکر کے لوگ امن چاہتے ہیں اور مذہبی رواداری کا مظاہرہ کرتے ہیں۔ میٹنگ کے اختتام پر ملک پاکستان کی بقاء اور سلامتی کے لیے خصوصی دعا کی گئی۔
