چنیوٹ سرکاری سکولوں میں مار نہیں پیار کے حکومتی دعوے دھرے کے دھرے رہ گئے
بھوآنہ (ویب ڈیسک ) سرکاری سکولوں میں تشدد کا سلسلہ نہ تھم سکا.چک نمبر 187 حاکمے والا میں سکول ٹیچر نے سبق یاد نہ کرنے پر کمسن طالب علم کو تشدد کا نشانہ بنا ڈالا.
بھوآنہ سرکاری سکولوں میں مار نہیں پیار کے حکومتی دعوے دھرے کے دھرے رہ گئے ہیں اور سرکاری سکولوں میں تشدد کا سلسلہ نہ تھم سکا.بھوآنہ کے نواحی گاؤں چک نمبر 187 حاکمے والا میں پرائمری سکول ٹیچر جلاد بن گیا.گورنمنٹ پرائمری سکول میں تعینات ٹیچر جلیل احمد نے سبق یاد نہ کرنے پر اول جماعت کے کمسن طالب علم عمر صدیق ولد رضوان قوم ماچھی کو تشدد کا نشانہ بنا ڈالا.عمر صدیق کا کہنا ہے کہ ٹیچر جلیل احمد آئے روز انہیں تشدد کا نشانہ بناتا ہے آج بھی سبق یاد نہ کرنے پر اسے ڈنڈے مار کر تشدد کیا ہے.سرکاری سکولوں میں تشدد کی وجہ کافی بچے سکول چھوڑنے پر مجبور ہو جاتے ہیں.عمر صدیق کے والدین نے ڈپٹی کمشنر چنیوٹ اور سی او ایجوکیشن سے مطالبہ کیا ہے کہ وہ فوری طور نوٹس لیکر ٹیچر کے خلاف سخت قانونی کارروائی کا مطالبہ کیا ہے.
