چنیوٹ شوہر کے سامنے بیوی کیساتھ زیادتی کا واقع پھر 16 سالہ لڑکے کی 3 سالہ بچی کیساتھ زیادتی
چنیوٹ (ویب ڈیسک) پنجاب کے ضلع چنیوٹ میں انتہائی افسوسناک واقعہ پیش آیا ہے. جہاں سولہ سالہ نوجوان نے تین سالہ بچی کو مبینہ طور پر زیادتی کا نشانہ بنا دیا۔ ذرائع نے بتایا کہ واقعہ تھانہ صدر کے نواحی علاقے جمال جتی میں پیش آیا۔ بچی کے والد کا کہنا ہے کہ صابر نے گھر کے باہر کھیلتی ہوئی بچی کو درندگی کا نشانہ بنایا۔ جبکہ اس حوالے سے پولیس کا کہنا ہے کہ ملزم کی گرفتاری کے لیے چھاپے مارے جا رہے ہیں۔ بچی کی میڈیکل رپورٹ آنے کے بعد مزید کارروائی عمل میں لائی جائے گی۔
یادرہے کہ کچھ دن قبل ہی چنیوٹ میں بااثر افراد نے اسلحہ کے زور پر خاوند کے سامنے بیوی سے مبینہ زیادتی کا دلخراش واقع بھی پیش آیا۔ بیوی کے ساتھ زیادتی کرنے والے افراد میں جاوید طاہر، فضل اور ان کے ساتھی شامل ہیں۔ افسوسناک واقعہ تھانہ بھوانہ کے علاقہ امیں پور روڈ کے قریب پیش آیا۔
متاثرہ خاتون کے شوہرنے بتایا کہ وہ اور اس کی بیوی عاصمہ بی بی موٹر سائیکل پر جارہے تھے کہ امین پورہ روڈ کے قریب بااثر ملزمان نے موٹر سائیکل کو روکا اور عاصمہ بی بی کو اسلحے کے زور پر کچھ فاصلے پر لے گئے اور جنسی درندگی کا نشانہ بنایا گیا۔
ان دونوں واقعات کے ملزمان کو تا حال چنیوٹ پولیس گرفتار نہیں کرسکی۔
