مسلم کالونی چناب نگر میں محکمہ ایجوکیشن چنیوٹ کا ملازم قبضہ گروپ نکلا

چناب نگر(ویب ڈیسک) ضلع چنیوٹ کے شہر چناب نگر میں مسلم کالونی کے رہائشی ظہیر احمد ولد مہدی حسن جو کہ محکمہ ایجوکیشن کا ملازم ہے پر الزام ہے کہ اس نے محکمہ ہاؤسنگ کے پلاٹ کو اپنا ملکیتی ظاہر کر کے مسلم کالونی چناب نگر کے رہائشی 85 سالہ غلام مصطفیٰ سے تین لاکھ روپے ہتھیا لئے ہیں. ظہیر احمد پر مزید الزامات ہیں کہ وہ عرصہ دراز سے محکمہ ہاؤسنگ کی خالی پڑی زمین پر قبضہ کر کے فروخت کرتا آرہا ہے۔ ذرائع نے بتایا کہ مسلم کالونی میں باقاعدہ طور پر ایک مافیا کام کر رہا ہے جس میں ظہیر احمد سرغنہ کی حیثیت رکھتا ہے۔اس نے پہلے بھی مسلم کالونی میں شہریوں کی کروڑوں کی زمین پر قبضہ کر رکھا ہے اور جعلی کنکشن بجلی بھی لگا رکھے ہیں جس کی بابت اس سرکاری ٹیچر کے خلاف ایف آئی اے میں مقدمہ بھی درج ہے. یہ بہت مضبوط قبضہ گروپ ہے. ذرائع نے مزید انکشاف کیا کہ ان کو سیاسی جماعتوں کے تعاون حاصل ہونے کی وجہ سے ان کے خلاف کوئی کاروائی عمل میں نہیں لائی جاتی۔بلکل اب اس مافیا کے تازہ شکار ہونے والے بزرگ نے سرکاری ٹیچر ظہیر کے خلاف تھانہ چناب نگر میں انصاف حاصل کرنے کے لئے درخواست دائر کی ہے. لیکن کوئی سفارش نہ ہونے کی وجہ سے اس کی شنوائی نہ ہو رہی ہے۔ لہذا بزرگ شہری نے میڈیا کو بتایا کہ میرے ساتھ ظہیر احمد نے نوسر بازی کر کے سخت زيادتی کی ہے.انہوں نے ڈی پی او چنیوٹ سے پرزور مطالبہ کیا ہے کہ اس مافیا سے میری رقم واپس کروا کر ان کے خلاف قانونی کارروائی عمل میں لائی جائے۔