اقصیٰ روڈ ربوہ بازار میں ناجائز تجاوزات والے بد معاشی پر اتر آئے

چناب نگر (ربوہ ٹائمز) بازار میں موجود غیر قانونی تجاوزات ریڑھی بان سڑک کو دونوں اطراف سے بند کیئے ہوئے ہیں۔ریڑھی بان شہریوں کے ساتھ بدمعاشی پر بھی اتر آئے۔جاو جو کرنا ہے کرلو ریڑھی یہاں سے نہیں ہلے گی۔ریڑھی بانوں کا شہریوں کو جواب۔ متعدد شکایات کے باوجود چیف آفیسر ان ریڑھی بانوں سے شہر کا قبضہ چھڑوانے میں ناکام نظر آتے ہیں سی او چناب نگر کی جانب سے ان غیر قانونی تجاوزات کو ختم کرنے کی بجائے انہیں بازار میں خود جگہیں فراہم کر کے ان سے بھتہ وصول کیا جاتا ہے ۔جبکہ ان ریڑھی بانوں کا سڑک پر کوئی کام نہیں ہے یہ غیر قانونی تجاوزات ہیں اوریہ سڑک کو بند کرکے شہریوں کو سخت پریشان کرتے ہیں اکثر اوقات ایمبولینس کو بھی راستہ نہیں ملتا۔شہریوں نے ایک مرتبہ پھر ڈی سی چنیوٹ سے مطالبہ کیا ہے کہ شہر کو ان ناجائز تجاوزات سے پاک کیا جائے۔