ربوہ: ختمِ نبوت کانفرنس کے نام پر مذہبی تعصبات کو ہوا دینے کی کوشش، اشتعال انگیز نعرے بازی
ربوہ کے مین بازار میں ختمِ نبوت کانفرنس کے نام پر مذہبی تصادم پیدا کرنے کی کوشش کرتے ہوئے اشتعال انگیز نعرے بازی کی گئی۔
مقامی ذرائع کے مطابق کانفرنس میں شریک افراد جب مین بازار سے گزر رہے تھے تو انہوں نے ایسے نعرے لگائے جو مذہبی ہم آہنگی اور امنِ عامہ کے لیے خطرہ بن سکتے ہیں۔ ربوہ کی آبادی کا نوے فیصد حصہ احمدیہ جماعت پر مشتمل ہے، جہاں ماضی میں ہزاروں افراد مذہبی تشدد کا شکار اور سینکڑوں اپنی جانوں سے ہاتھ دھو بیٹھے ہیں۔ ایسے حساس علاقے میں پرتشدد نعرے بازی کو امن و امان کے لیے خطرناک قرار دیا جا رہا ہے۔
اہم سماجی و عوامی حلقوں نے خدشہ ظاہر کیا ہے کہ اس قسم کی سرگرمیاں علاقے میں کشیدگی بڑھانے اور امن و امان کو متاثر کرنے کا باعث بن سکتی ہیں۔ ضلعی انتظامیہ اور قانون نافذ کرنے والے ادارے صورتِ حال پر نظر رکھیں۔
