چنیوٹ: ایک سالہ بچی کو گھر سے اغوا کرلیا گیا
چنیوٹ (نمائندہ خصوصی) وزیراعلیٰ پنجاب محترمہ مریم نواز شریف کے احکامات پر بچوں کی حفاظت کو یقینی بنانے کے سلسلے میں پولیس نے بروقت کارروائی کرتے ہوئے مغوی بچی کو بازیاب کرالیا۔
تفصیلات کے مطابق تھانہ کوٹ وساوا کے علاقے میں گھریلو جھگڑے کے باعث ملزم (ا) نے ایک سالہ بچی عائشہ کو گھر سے اغواء کرلیا تھا۔ واقعہ کی بابت تھانہ کوٹ وساوا میں زیر دفعہ 363 تعزیراتِ پاکستان کے تحت مقدمہ درج کیا گیا۔
ایس ایچ او تھانہ کوٹ وساوا انسپکٹر علی عرفان نے اپنی ٹیم کے ہمراہ جدید ٹیکنالوجی اور ہیومن ریسورس کی مدد سے ملزم کو ٹریس کرکے بچی کو بحفاظت بازیاب کرلیا۔
ڈی پی او عبداللہ احمد کا کہنا ہے کہ وزیراعلیٰ پنجاب کے احکامات کی روشنی میں بچوں کے خلاف جرائم پر زیرو ٹالرنس پالیسی اپنائی گئی ہے۔ ایسے واقعات میں ملوث افراد کو ہر صورت کیفر کردار تک پہنچایا جائے گا اور بچوں کی حفاظت کے لیے تمام تر اقدامات کو یقینی بنایا جائے گا۔
